Nnwom 82

Onyankopɔn di hene wɔ ɔsoro asafo mu;obu atɛn wɔ “anyame” mu.

“Wobɛbɔ wɔn a wɔnteɛ ho banna woayɛ nhwɛanim ama amumɔyɛfo akosi da bɛn?

Monka mmɔborɔfo ne ayisaa asɛm mma wɔn;mommɔ ahiafo ne wɔn a wɔhyɛ wɔn so yiyedi ho ban.

Munnye ɔbrɛfo ne ahiafo;munnye wɔn mfi amumɔyɛfo nsam.

“Anyame no nnim de, na wɔnte hwee ase.Wokyinkyin wɔ sum mu;na asase fapem nyinaa wosow.

“Mekae se, ‘Moyɛ “anyame;”mo nyinaa yɛ Ɔsorosoroni no mma.’

Nanso mubewuwu sɛ nnipa pɛ;na moahwe ase sɛ ɔsodifo biara.”

Ao Onyankopɔn, sɔre, bu wiase atɛn;efisɛ amanaman nyinaa yɛ wo de.