Nnwom 46

Onyankopɔn ne yɛn guankɔbea ne yɛn ahoɔden,amanehunu mu boafo a ɔwɔ hɔ bere biara.

Enti sɛ asase ani dan butuw,na mmepɔw tutu kogu po ase a, yɛrensuro,

sɛ po bɔ asorɔkye na ehuruna ɛma nkoko wosow mpo a, yɛrensuro.

Asuten bi wɔ hɔ ane nsuwansuwa de anigye ba Onyankopɔn kuropɔn mu,beae kronkron a Ɔsorosoroni no te.

Onyankopɔn te kuropɔn no mu, na ɔrenhwe ase;Onyankopɔn bɛboa no anɔpahema.

Amanaman yɛ hoo, na ahenni hwehwe ase;ɔma ne nne so ma asase nan.

Asafo Awurade ka yɛn ho.Yakob Nyankopɔn yɛ yɛn aban.

Bra bɛhwɛ Awurade nnwuma,ɔsɛe a ɔde aba asase no so.

Ɔma akodi gyae kosi asase ano.Obubu agyan mu na ɔsɛe peaw;ɔde ogya hyew nkatabo.

Monyɛ komm na munhu sɛ me ne Onyankopɔn;wɔbɛma me so wɔ amanaman no mu,wɔbɛma me so wɔ asase so.

Asafo Awurade ka yɛn ho;Yakob Nyankopɔn yɛ yɛn aban.Wɔde ma dwonkyerɛfo.